LAOAG CITY – Umabot iti 68 a migrants ti natay kalpasan a naarinebneb ti nagluganan da a bangka iti kabaybayan a paset ti Yemen.
Basar iti report, ti bangka ket adda ti karga na nga agarop 157 nga indibidual no sadinno a 12 laeng ti naisalakan idinto a dagiti dadduma ket nagtalinaed a mapukpukaw.
Ti maitudtudo a rason no apay a napasamak ti insidente ket gapu iti kinaado dagiti migrants a naglugan iti bangka ken ti dakes a sasaaden ti panawen.
Rumrumuar a kaadoan kadagiti biktima ket Ethiopian nationals.
Maipalagip a ti Yemen ti kangrunaan a pagpagnaan dagiti migrants manipod iti Horn of Africa nga agturong iti Gulf states tapno mapanda agbiruk ti pagtrabahoan da.
