LAOAG CITY – Umabot iti 81 a Palestinians ti natay idinto a nasurok nga 400 a sabsabali dagiti nasugatan iti inpabanto nga strikes ti Israel iti Gaza iti uneg ti 24 nga oras.
Naamoan nga iti naminsan laeng a panangipabanto ti Israel ti strike ket 11 a tattao dagiti nairekord a natay, pakairamanan ditoy dagiti ubbing.
Basar iti report, naipabanto ti strike iti asideg ti stadium iti Gaza City, no sadinno a daytoy ti maus-usar a temporary a pagnanaedan dagiti naibakwit.
Kabayatanna, mangnamnama ni US President Donald Trump a maipatungpal ti ceasefire iti sumaruno a lawas iti nadakamat a rehiyon.
