LAOAG CITY – Umabot iti 10-milyon a pisos ti naited a pondo para kadagiti kameng ti Sangguniang Panlungsod (SP) babaen ti Barangay Government Support Fund wenno BGSF ditoy ciudad ti Laoag idi 2024.
Naamoan a ti nasao a pondo ket tinawen nga it-ited ti gobierno lokal ditoy ciudad ti Laoag nga usaren dagiti kameng ti konseho para iti nagduduma a proyekto ken ipaay da kadagiti agkiddaw ti tulong.
Iti babaen ti nasao a pondo ket naipaayan ti jetmatic, kurong-kurong, electric bike, monoblocks, movable tent, folded table, industrial fan, machine cultivator, nebulizer, BP apparatus ken dadduma pay a kagamitan dagiti tattao wenno gunglo nga agkasapulan.
Kuna ti lokal a gobierno a babaen daytoy nga inisyatibo ket ad-adda pay a mapa-duras ti komunidad.
Inpanamnama ti lokal a gobierno nga ad-addo pay a programa ken proyekto iti maipatungpal ken maidanon para iti pagsayaatan dagiti umili.
