LAOAG CITY – Umabot iti 121 dagiti nageksamin wenno ti Cadetship Qualification Test ti Philippine Military Academy a naangay iti Northwestern University – Students Center.
Segun kenni Capt. Fidel Adrian Diño, iti PMA ken nangidaulo iti eksaminasyon iti Ilocos Region, nangrugi daytoy idi Agosto 26 ken ita ti maudi nga aldaw.
Inbatad na a ti eksaminasyon ket isu ti ummuna a parte tapno agbalin a cadet.
Kunana a kalpasan daytoy ket maiyuswat met ti Physical ken Medical Examination para kadagiti nakapasa ti Cadetship Qualification Test.
Karaman kadagiti basic requirements ket masapol a natural born filipino citizen, agtawen ti 17 agingga iti 22, awan ti administraive ken criminal case, single wenno awan ti legal obligations, nagturpos iti sekondarya nga addaan ti average nga 85 ken agtayag ti 5 feet para iti babai ken lalaki.
Innayon na a kalpasan ditoy ciudad ti Laoag ket agpatest da met idiay ciudad ti Vigan, Nueva Ecija, Tarlac, ken idiay Lingayen Pangasinan.
