LAOAG CITY – Nagsagaba ti sugat iti nagduduma a paset ti bagi dagiti 14 a biktima kalpasan ti pannakadesgrasya ti nagluganan da a L200 pick-up idiay Sitio Barungobong, Barangay Dipilat iti ili ti Vintar.
Ti nasao a behikulo ket inturong ni John Lester Calzada, 24, baro, mannalon ken residente iti Barangay 26, Canaang iti naao nga ili.
Nabigbig met dagiti biktima a da a John Lester Acosta; Tessie Acosta Tagatac; Jaymar Acosta; Gina Acosta; Jhon Paul Madriaga Acosta; Jane Acosta Raguirag, agpapada a residente iti Brgy 32, Corocor, Bacarra; Willy Bacud Tagatac; Edmund Agustin; Keith Camille Vega Tagatac; Jaiden Joash Calzada; Jasmine Agbayani; Aprilyn Lopez; Samantha Lopez; Loida Barut.
Iti imbestigasyon, agpaamyanan a direksyon dagiti biktima iti nakapasamakan ti insidente nga agturong idiay Barangay Canaam tapno mapan da makiminatay idi kellaat a napukawan ti preno ti nagluganan da.
Gapo iti daytoy, naidungpar ti nasao a pick-up iti bakras ti bantay a rason ti panagbaliktad ti behikulo.
Naitaray dagiti biktima iti Gov. Roque B. Ablan Sr. Memorial Hospital, GRASMH ditoy ciudad ti Laoag ken da Loida Barut, Keith Camille Vega Tagatac ken Jhon Paul Madriaga Acosta ti naiconfine idinto a dagiti dadduma ket out-patient.
