LAOAG CITY – Umabot ti 20 a vietnamese fishing vessel ti maipagarop nga adda iti baybay a paset ti Barangay Davila iti ili ti Pasuquin.
Daytoy ti inbatad ni Barangay Chairman Elviro Agoo iti nasao a barangay.
Gapo iti daytoy, ado dagiti maalarma a mangngalap iti nasao a barangay gapo ta bumasbassit a lames a makalapan da.
Nupay kasta, naireport daytoyen kadagiti coastguard ken ti lokal a gobierno iti nasao nga ili.
Naamoan a tallon nga aldaw a mamonmonitor dagiti fishing vessel ken iyur-uray ti kapitan ti aksyon ti gobierno iti nasao a lugar.
