LAOAG CITY – Inbatad ni Fire Inspector Henson Reyes, firemarshall iti Bureau of Fire Protection (BFP) iti ili ti Piddig nga umabot iti dua nga ektarya ti naapektaran ti napasamak a grassfire iti paset ti Barangay Buyboy iti nasao nga ili.
Segun ken ni Reyes, alisto a nagramram ti apoy gapu ta napigsa ti angin iti nadakamat a lugar.
Inadmitir na a narigatan da a nangsebseb ti apoy gapu ta narigat ti dalan.
Innayon na nga adda pay ti poultry iti asideg ti nakapasamakan ti uram isut gapuna a binantayan da a naimbag iti lawlaw na tapno masigurado a saan a madanun ti apoy.
Awan pay ti naibaga ni Reyes a possible a nangrugyan ti apoy gapu ta manarimaan pay laeng ti naiget nga imbestigasyon da.
Inpakaammo ni Reyes a naitawag kadakuada ti nasao a pasamak, agalas-kwatro idi malem.
