LAOAG CITY – Umaboten iti 11 a tattao ti natay iti napasamak a layos ken landslides a gubuay ti panagtudtudo na ti napigsa gapu iti Bagyo Enteng.
Basar iti report, tallo nga indibidual ti natay a pakairamanan ti masikog iti napasamak a landslide iti Antipolo.
Kabayatanna, naamoan a dagiti uppat nga immunan a naireport a pimmusay ket nalmes da gapu iti napasamak a layos.
Gapu iti Bagyo Enteng ket nasuspenso ti klase kadagiti pampubliko a pagadalan ken uray ti trabaho iti gobierno kadagiti lugar a kangrunaan nga apektado ti dakes a panawen.
