LAOAG CITY – Umaboten iti nasurok a 200 a baboy ti naikali gapu iti African Swine Fever (ASF) iti Barangay Lipay iti ili ti Solsona.
Daytoy ti inbaga ni Mayor Joseph de Lara iti ili iti Solsona.
Segun ken ni Mayor de Lara, addan ti pakabuklan a 1,112 a baboy ti naisakripisyo babaen iti pannaka-kuryente ken naikali da gapu iti ASF virus iti nasao nga ili.
Inbaga ti mayor a dagiti naisakripisyo a baboy ket manipod iti Barangay Maan-anteng, Catangraran, Manalpac ken Lipay iti ili ti Solsona.
Innayon na a babaen iti daytoy ket malapdan ti ad-adda a panagwaras ti ASF virus
Kabayatanna, nangipasa met ni Konsehal Jonathan de Lara ti maysa a resolusyon mainaig iti panangprebentar ti ASF iti nasao nga ili.
