LAOAG CITY – Agtultuloy ti panagbirbiruk dagiti rescue workers para kadagiti survivors kalpasan ti idadayyeg ti magnitude 7.1 a gingined a nakatayan ti agarop 126 a tattao ken nakasugatan ti 188 a sabsabali pay iti remote region ti Tibet, asideg ti Everest.
Malaksid kadagiti dinosdosena a tattao a natay ken nasugatan ket nasurok pay a 1,000 a pasdek ti nadadael iti insidente.
Ti nasao a lugar ket kanayun a makapaspasar ti gingined gapu ta daytoy ket masarakan iti major geological fault.
Immunan nga inrakurak ti US Geological Survey a ti nasao a gingined ket addaan ti kauneg a 10 a kilometro wenno innem a milya.
