LAOAG CITY – Inbatad ti Office of Civil Defense nga umaboten iti agarop 2.4-milyon a pamilya manipod iti 10 a rehiyon iti Luzon, Visayas ken Mindanao ti apektado ti nalawa a layos nga epekto ti habagat.
Iti statement, inrakurak ti Office of Civil Defense a dagiti kumpirmado a natay manipod iti kalamidad ket nagtalinaed a 32 idinto a 19 dagiti nasugatan.
Ti populasyon nga apektado ti layos ket umabot iti 2.4 a milyon a pamilya wenno katukad ti 8.4 milyon nga indibidual kadagiti sumaganad a rehiyon:
CAR (Cordillera Administrative Region)
I (Ilocos Region)
II (Cagayan valley)
III (Central Luzon)
IV-A (CALABARZON)
IV-B (MIMAROPA)
V (Bicol)
VI (Western Visayas)
IX (Zamboanga Peninsula)
NCR (Metro Manila)
Manipod kadagiti nasao a rehiyon, 35,500 a pamilya wenno 122,500 nga indibidual ti nagtalinaed iti 1,115 nga evacuation centers.
