LAOAG CITY – Umaboten iti 20 a personnel ti Philippine National Police (PNP) ti nagpositibo ti covid-19 sipud idi 2020 a panangrugi ti pandemya.
Daytoy ti kinumpirmaran ni Police Major Lauro Milan, ti mangidadaulo iti Provincial Administrative Resource and Management Unit iti Ilocos Norte Police Provincial Office (INPPO).
Segun ken ni Milan, uppat kadagiti nagpositibo ti virus ket naka-home quarantine ken agpapalaing dan.
Kabayatanna, inpakaammo ni Milan nga agtultuloy ti naiget a pannakamonitor dagiti adda ti transaction na iti INPPO.
Kuna na nga adda latta nakaduty a pulis iti opisina a masarakan iti asideg ti gate iti provincial command tapnu malapdan ti panagwaras ti makapatay a virus.
Innayon ti opisyal a dagiti pulis a rumar ditoy probinsya ket masapul a dumalan da iti RT-PCR test no agsubli da iti duty da.
