LAOAG CITY – Umaboten iti 26 a tattao ti natay gapo iti magnitude 6.9 a gingined a timmama iti Bogo City, Cebu.
Basar iti datos ti Office of Civil Defense (OCD), malaksid kadagiti natay ken addan ti 147 ti nasugatan.
Segun kenni OCD deputy spokesperson Diego Mariano, manarimaan pay laeng ti assessment nangruna ket agtultuloy ti pannakaipadanon kadakuada ti bilang ken ivalidate da daytoy.
Mainaig iti daytoy, nakadeploy ti medical team ti Department of Health (DOH) iti Bogo City ken kabangibang na nga ili para iti medikal a tulong.
Inbatad ti DOH a dagus a nangiyuswat ti rapid assessment ti grupo iti nasao a lugar.
Nakaisubmitir metten ti report dagiti doktor, nurse, ken staff ti DOH Vicente Sotto Memorial Medical Center (VSMMC) ken DOH Cebu South Medical Center (CSMC).
Kageddan iti daytoy ket naipakammo dan ti sitwasyon kadagiti DOH Centers for Health Development (CHDs) iti Central ken Eastern Visayas.
Naigetpay ti koordinasyon da iti Office of Civil Defense (OCD) iti rehiyon mainaig iti daytoy.
Kabayatanna, nagpalagip ti ahensya kadagiti apektado a residente a sumurot kadagiti amin nga anunsyo ken pammilin dagiti lokal a gobierno ken agsagana iti posible nga aftershock.
