LAOAG CITY – Umaboten iti 34 a driver ti naiyisoan ticket ti Philippine National Police Aviation Security Group gapu iti overcharging ken illegal ti panagpasada na kadagiti eropuerto iti Region 1 ita a tawen.
Daytoy ti inbatad ni Police Col. Renante Baltazar, ti mangidadaulo iti Philippine National Police Aviation Security Group iti region 1.
Inlawlawag na a manipod iti nasao a bilang ket uppat dagiti taxi driver idinto a dua ti kolorum a tricycle.
Inpasingked na nga agtultuloy ti panagmonitor ken panagsita da kadagiti driver a nalabes unay ti panagsingir na kadagiti pasahero da karaman dagiti illegal ti panagpasada na.
Kabayatanna, inpakaammo ni Baltazar a sipud adda ti tiniliw da a dua a taxi driver gapu iti panagpakontrata da kadagiti pasahero da iti Laoag International Airport ket awanen ti naduktalan da pay nga agar-aramid iti kastoy a sistem kadagiti taxi driver ditoy ciudad ti Laoag.
