LAOAG CITY – Inlawlawag ni Agent Lorie Agunat, Barangay Clearing Officer iti PDEA nga umaboten iti 347 a barangay ditoy Ilocos Norte ti maibilang a drug cleared barangay.
Segun kenni Agunat, sumagmamano kadagiti rason no apay a saan pa a clear dagiti barangay ket gapo iti documentary requirements ken adda dagiti saan pay a dimmaan iti Community-Based Rehabilitation Program (CBRP).
Inbatad na nga umabot pay iti 173 ti nabatbati nga affected barangay ken kaadoan kadagitoy ket manipud iti ciudad ti Batac ken Laoag kasta met iti ili ti Badoc ken dadduma pay.
Agtultuloy met ti panagiyuswat da ti validation kadagiti cleared a barangay kasta met iti drug clearance tapno ma-clear dagiti infected a barangay.
Kabayatanna, kuna ni Police Major Jephre Taccad, pannakangiwat ti INPPO a basar iti rekord da ket umaboten iti 523 a barangay ti cleared iti BADAC, MADAC, ken CADAC.
Kunana nga addan ti 67.5% cleared ditoy Ilocos Norte ken agtultuloy ti validation.
Mainaig iti daytoy, kunana no dagiti drug personalities ket pimmanawen iti barangay da ket masapol nga icertify ti kapitan a ti nasao nga indibidual ket saanen nga agnanaed iti barangay da ken maipan no sadinno a lugar ti pagnaedan na.
