LAOAG CITY – Umaboten iti 37 a tattao ti natay iti mapaspasamak a flash floods iti daya a paset ti Kentucky gapu iti agtultuloy a pinagtudtudo na ti napigsa iti nasao a lugar.
Karaman kadagiti pimmusay ket innem nga ubing no sadinno nga uppat kadagitoy ket agkakabsat nga agtawen ti maysa agingga iti walo.
Inbatad ni Kentucky Governor Andy Beshear a manamnama a manayunan pay ti bilang dagiti natay gapu ta ginasot a residente dagiti nagtalinaed a mapukpukaw.
Mainaig iti daytoy, nasuruk a 12 nga households ti nagtalinaed nga awan ti suplay ti kuryente na ken ginasut a pagtaengan ken negosyo ti nalayos.
Umabot metten ti minilyon ti balor dagiti nadadael a kalsada, rangtay ken dadduma pay nga imprastraktura gapu iti mapaspasamak a nalawa a layos idiay Kentucky.
