LAOAG CITY – Umaboten iti 38 a paltog ti naideposito iti kustodyar ti PNP iti ili ti Paoay.
Inbatad ni Police Capt. Rodel Baradi, ti chief of police iti nasao nga ili a daytoy ket resulta ti naiget a panangipatpatungpal da ti Oplan Katok kabayatan ti election gun ban.
Segun ken ni Baradi, basar iti datos da ket umabot amin ti 166 a gun holders iti ili ti Paoay.
Nupay kasta, inlawlawag na nga adda dagiti nangilako ti paltog na idinto a dagiti dadduma ket napukaw da ken adda met dagiti immakaren ti pagnaedan isut gapuna a basbassit ti bilang dagiti paltog a naideposito iti opisina da.
Iti baet daytoy, inpasingked ni Baradi nga itultuloy da latta ti agpanawagan ken mangpalagip kadagiti agik-ikot ti paltog a saan pay a nakaideposito iti opisina da a mapanda laengen ipadulin kabayatan ti election gun ban.
