LAOAG CITY – Nanayunan pay ti dua a barangay a naapektaran ti African Swine Fever (ASF) virus iti ili ti Banna isut gapuna nga iti agdama ket adda iti uppat a barangay nga apektado iti nasao a virus.
Daytoy ti inpakaammo ni Mr. Allan Palaspas, ti Municipal Agriculture Officer iti ili ti Banna.
Inbaga na a dagiti dua a barangay a nainayun a naapektaran ti ASF virus ket iti Catagtagen ken Caestebanan.
Segun ken ni Palaspas, umabot iti 63 a baboy ti maisakripisyo a mapapatay iti Barangay Caestebanan idinto a 344 a baboy iti Barangay Catagtagen.
