LAOAG CITY – Umabot iti 400 a ribo a tattao ti napilitan a nagbakwit iti Lebanon kalpasan ti dua a lawas panagatake ti Israel.
Daytoy ti inbatad International Organization for Migration (IOM).
Segun iti United Nations agency, adda ti nasurok a 165,000 nga indibidwal a temporaryo nga agnanaen iti 906 a collective shelters iti intero a pagilyan.
Nagpanawagan met ti international support ti International Organization for Migration iti kumarkaro nga humanitarian crisis.
Ti gubat iti Gaza ket naiwarasen agingga iti Lebanon idi nangiyuswat ti Israel kadagiti strike iti intero a pagilian iti napalabas a bolan.
Nasurok metten a sangaribo a tattao ti natay, pakairamanan ti lider ti Hezbollah a ni Hassan Nasrallah.
