LAOAG CITY – Saan pay a maibaga ni Doctor Joseph Adaya iti City Health Office (CHO) no mano pay a bakuna ti masapol a gatangen ti gobierno lokal ditoy ciudad ti Laoag tapno magun-od ti herd immunity wenno ti pannakabakuna ti 70 a porsiento ti populasyon ditoy ciudad.
Inbaga ni Doctor Adaya nga umaboten iti 4,160 ti bilang dagiti nabakunaan ti umuna a dose ditoy ciudad ti Laoag.
Karaman kadagiti nabakunaan ket dagiti medical health workers, frontlines, senior citizens ken dadduma pay.
