LAOAG CITY – Inpakaammo ni Atty. Julius Balbas, ti Comelec Officer ditoy ciudad ti Laoag nga umaboten iti 81, 577 ti registered voters ditoy ciudad.
Ti nasao a datos ket saan a karaman dagiti napan nagparehistro iti Comelec ita nga aldaw.
Inbatad na nga ado dagiti nagturong iti opisina da tapno agparehistro iti maudin a dua nga aldaw ti voters registration.
Segun kenkuana, kaadoan kadagiti napan nagparehistro ita a nga aldaw ket dagiti immakar ti pagbotosan idinto a dagiti dadduma ket baro laeng a botante.
Inbatad na nga adda pay dagiti aggapo iti ruwar ti probinsya ti immakar nga umay agbotos ditoy ciudad ti Laoag.
Kuna na a no kastoy manen ti kaado dagiti mapan agparehistro intono bigat a maudi nga aldaw ti panagparehistro ket akomodaren da amin basta adda da a mismo iti Laoag City Hall.
Innayon na a ti rason dagiti dadduma ket ita da laeng a nasango ti napan nagparehistro idinto a dagiti dadduma ket ita a laeng a nakaala ti vacation leave manipod iti trabaho da.
