LAOAG CITY – Inrakurak ti National Authority for Child Care (NACC) nga umaboten iti 968 nga ubbing a Pilipino ti naampon sipud nabuwangay ti nasao nga opisina idi 2022.
Iti maikatlo nga anibersaryo ti National Authority for Child Care ket nagkari nga itultuloy na ti misyon na a mangipaay ti makunkuna a “mapagmahal na tahanan” para kadagiti ubbing.
Nabuwangay ti nasao nga opisina idi 2022 iti babaen ti Republic Act (RA) 11642 wenno Domestic Administrative Adoption and Alternative Child Care Act, no sadinno a naipayalisto ti panagampon iti 968 nga ubbing; 629 iti babaen ti domestic administrative adoption ken 154 ket babaen iti inter-country adoption.
Iti babaen ti Foster Care Program, adda ti 1,108 nga ubbing iti agdama nga adda iti babaen ti 927 licensed foster parents, no sadinno a 871 kdagiti nasao nga ubbing ket macaw-awat ti monthly subsidies manipod P8,000 agingga iti P10,000, depende iti medikal a pagkasapulan da.
Naamoan a manipod iti nasao a bilang ket 43 ti survivors ti online sexual abuse ken exploitation, 154 dagiti ubbing nga agkasapulan ti special needs, ken 75 met ti foundlings wenno napidot laeng.
