LAOAG CITY – Umaboten iti agarop 60 a tattao ti natay sipud nangrugi ti napigsa a tudo a nangitunda ti layos idiay Tanzania, addan dua a lawas ti napalabas.
Basar iti report ti coast region iti pagilian ti kangrunaan a naapektaran ti layos.
Inbatad ni government spokesperson Mobhare Matinyi a karaman kadagiti naapektaran ti layos ket ti rinibo a kataltalunan ken addan ti 11 a tattao a natay iti laeng napalabas a lawas.
Inpakaammo na pay ng iti metlaeng napalabas a lawasket adda ti walo nga ubbing a natay kalpasan a naiyanud ti nagluganan da a bus iti amianan a paset ti Tanzania.
Maipalagip a naipagagangayen nga iti bolan ti Abril ket isu ti panagpasar ti tudtudo iti nadakamat a pagilian.
