LAOAG CITY – Umaboten iti lima nga indibidual ti pimmusay kadagiti napasamak a disgrasya ditoy ciudad ti Laoag.
Segun iti Philippine National Police Traffic Division ditoy ciudad ti Laoag, adda ti pakabuklan a 12 ti bilang dagiti napasamak a disgrasya sipud iti bulan ti enero aginga ti bolan ti Abril ita a tawen .
Inlawlawag ni Police Master Sergeant Eric Bumagat iti Philippine National Police Traffic Division ditoy ciudad ti Laoag, ti kangrunaan a nakapasamakan dagiti disgrasya ket iti national highway ken by-pass road ditoy ciudad.
Rumrumwar a ti kangrunaan a makaigapu dagiti napasamak a vehicular incident ket iti kaadda ti impluwensya ti nasanger dagiti driver.
Gapu iti daytoy, binalakadan na manen ti publiko nga agusar ti high visibility vest iti rabii ken saanen nga aggandat pay nga agmaneho no nakainom ti nasanger.
