LAOAG CITY – Addan ti nasurok a 2,500 a tattao ti natay gapu iti outbreak ti Ebola iti Democratic Republic of Congo.
Daytoy ket basar ken ni senior United Nations Ebola coordinator Julien Harneis.
Gapu iti daytoy, nagpanawagan ni Harneis iti ad-ado pay a tulong ken kuna na a ti agdama a pondo ket agpaot laeng iti sumagmamano a lawas.
Kuna na pay a ti maysa a parikot da ket dagiti residente a makapungpungtot ken dakkel ti pannakaalarma da iti outbreak.
Ti maika-17 nga Ebola epidemic ti Congo ti kadakkelan iti pakasaritaan iti kaado ti kaso a limmabes payen iti nakaro nga outbreak a nairekord ti pagilian idi 2018 agingga iti 2020.
Naamoan nga adda metten ti 160 nga healthcare workers a natamaan ti Ebola ken 43 kadagitoy ti pimmusay.
Mainaig iti daytoy, adda ti nasurok a 16,000 doses ti Ervebo vaccine ti simmangpet iti Democratic Republic of Congo (DRC) kabayatan ti isasangot ti maibilang kas “diedliest Ebola outbreak” iti pakasaritaan ti pagilian.
