LAOAG CITY – Umaboten iti 9,000 ti nakumpirmaran a kaso idinto a 4,300 ti natay iti Ebola outbreak idiay Democratic Republic of Congo
Daytoy ket basar iti impormasion nga imparuk-at ti gobierno ti pagilian a Congo.
Iti baet ti panangkontrol dagiti lokal nga otoridad iti panagwaras ti nasao a sakit, nairekord ti Health Ministry ti Congo ti 9,066 a kaso ti Ebola, no sadinno 4,381 kadagitoy ti saan a nakalasat iti nasao a sakit.
Ti manarimaan nga outbreak a rare Bundibugyo variant ket nagwarasen iti 65 nga health zones manipud kadagiti pito a probinsia ti Congo.
Kabayatanna, agpapan ita ket awan pay ti naaramid nga agas para iti nasao a variant ti Ebola.
Gapu iti daytoy, agtultuloy ti panagsukisok dagiti eksperto para iti pannakaaramid ti bakuna kontra iti Bundibugyo.
