LAOAG CITY – Umaboten ti 46 a tattao dagiti natay gapu iti vehicular traffic incident ditoy probinsya sipud idi Enero primero agingga iti Oktubre 20 ita a tawen.
Daytoy ket basar iti datos ti Ilocos Norte Police Provincial Office (INPPO).
Iti datos ti INPPO, umabote metten ti 453 dagiti nasugatan idinto a 482 dagiti nairekord a nadadael a sanikua gapu ti desgrasya.
Segun ken ni Police Major Rely Layug, ti mangidadaulo iti Police Community Relations Office, dagiti kangrunaan a rason no apay nga adda dagiti napasamak a desgrasya ket gapu ta nakainom ti nasanger dagiti driver, modified motorcycle kenkurang dagiti signages iti kalsada.
