LAOAG CITY – Inbatad ni Gov. Matthew Marcos Manotoc nga umaboten ti innem a variant cases ti COVID-19 ditoy probinsya.
Daytoy ket kalpasan a nainayun ti tallo a variants cases, kas iti alpha, beta ken delta variant.
Iti virtual press conference, kuna ni Major Roxanne Parado, mangidadaulo iti contact tracing ditoy probinsya nga umabot ti 43 ti first generation contact.
Inlawlawag na a tallo dagiti nagpositibo no sadinno dua iti Pasuquin ken maysa iti Currimao.
Kinumpirmaran ni Major Parado a pimmusayen ti maysa a variant case ditoy siudad ti Laoag ken maysa pay a variant case iti siudad ti Batac.
Innayon na nga aramiden da amin ti kabaelan da para iti contact tracing kadagiti possible a nakapulapol dagiti maseknan.
