LAOAG CITY – Inpasiurado ti National Food Authority (NFA) nga adda ti umdas a buffer stock ti bagas no bilang adda ti sumangbay a didigra kageddan ti holiday season.
Inaramid ti National Food Authority ti panangipasigurado daytoy kageddan dagiti mairekrekord nga aktibidad iti bulkan Kanlaon a makaap-apektar kadagiti residente nga asideg iti bulkan ken ti namonitor a forecast iti intertropical convergence ken ti panagtudo iti dakkel a paset ti pagilian.
Segun ken ni National Food Authority Administrator Larry Lacson, inbilindan dagiti empleadoda nga adda iti field para iti alisto a panag-activate ti Operation Centers kadagiti lugar a naapektaran ti layos, bagyo ken dadduma pay nga emergencies ken tapno luktanda dagiti hotlines-da tapno iyal-alistoda ti koordinasion iti relief institutions-da.
Pinaigetan pay ti ahensia dagiti iwaywayatda nga istratehia iti panaggatang kadagiti irik iti babaen ti Price Range Scheme tapno masupusupan ti bagas nga ipaay ti Department of Social Welfare and Development (DSWD) ken kadagiti lokal a gobierno para kadagiti naapektaran a pamilia kadagiti lugar gubuay kadagiti didigra.
