LAOAG CITY – Inpasingked ti Philippine Red Cross nga adda ti umdas a suplay ti dara kadagiti chapters-da iti Region 5 ngem nakasagana met a mangipaay ti kanayunan a tulong iti Department of Health (DOH)-Region 5 no sadino ket nangiruarda ti panawagan idi Hunio 13 para iti dara tapno masupusupan ti bumasbassit a suplay iti daytoy.
Ti Region 5 wenno ti Bicol Region ket bukbuklen ti probinsia ti Albay, Camarines Norte, Camarines Sur, Catanduanes, Masbate ken Sorsogon.
Ti Philippine Red Cross ket isu ti kangrunaan nga human organization iti pagilian nga addaan ti blood services ken kabaelanna a tumulong no adda ti sumangbay a didigra ken mass casualty incidents.
Naammoan a ti Philippine Red Cross National Blood Center ket nakalukat ti 24/7 iti PRC Tower, Edsa corner Boni Avenue, Mandaluyong wenno bumisita iti kaasitgan a Philippine Red Cross Blood Center.
