LAOAG CITY – Impasigurado ti Department of Health (DOH) nga adda umdas a suplay ti doxycycline kadagiti public access sites pakairamanan dagiti ealth center, YAKAP clinic, ken pampubliko nga ospital.
Ti leptospirosis ket maysa a seryoso nga impeksion nga epekto ti bakterya a Leptospira a maala manipud iti isbo ti bao.
Immunan ditoy ti pammilin ni Health Secretary Edwin Mercado ti nasapa a pannakaipaay ti doxycycline kadagiti komunidad a naapektaran tapno masigurado ti insigida nga access kadagiti agkasapulan.
Malaksid iti daytoy, adda pay 3.1 milyon nga stockpile wenno reserba a doxycycline ti Department of Health (DOH) ken dagiti Regional Office tapno masuposupan iti suplay ti public access sites no kasapulan.
