LAOAG CITY – Inlawlawag ni Gov. Matthew Marcos Manotoc a manamnama nga intono Hulyo ket maawat ti ummuna a batch ti order ti probinsya nga Astrazeneca vaccine.
Segun kenni Manotoc, prayoridad latta a mabakunaan dagiti frontliners a saan pay a nalpas a nabakuna gapo iti nagduduma a rason.
Inbatad na a ditoy probinsya, umaboten iti 71 a porsiento ti pakabuklan a nabakunaan kontra covid-19 iti A1 group ken 87% iti consumption rate.
Kabayatanna, linawlawagan ti gobernador ti isyu seknan iti panagbakuna partikular iti Karmelli Hospital.
Inpetteng ni Manotoc nga adda dagiti nakarehistro a saan a napan nagpabakuna iti naituding nga skedyul isut gapo na nga adda ti subtitute.
Nupay kasta, kunana nga uray adda ti substitution ket masapol a masurot latta ti protocol wenno ti priority list.
