LAOAG CITY – Nakasagana ni Sang. Panlungsod Member Edison Bonoan ditoy ciudad ti Laoag a mangisponsor ti oridinansa mainaig iti No Left Turn Policy no agtultuloy a napintas ti ibunga ti nasao nga experimental traffic scheme.
Ummuna iti daytoy, iti obserbasyon ni Bonoan, napintas ti annayas ti trapiko kangrunaan iti junction ti Airport Avenue ken Manila-North Road nga isu ti tinutukan na iti ummuna nga aldaw nga implementasyon na.
Nupay kasta, kuna ni Bonoan a ninamnama da iti hepe ti raffic Divison ditoy ciudad nga ado latta dagiti saan pay laeng a makaammo a motorista nga isu ti napasamak.
Daytoy ket gapo ta ado pay laeng ti saan a nakasurot ken ado dagiti kinasarita dagiti traffic enforcers a motorista.
Segun kenni Bonoan, dagiti behikulo nga aggapo iti laud ket nagderetso iti ili ti San Nicolas ken nag-U-turn kadagiti paggasolinaan ngem daytoy ti nakita da a problema gapo ta mangitunda met laeng ti nairot a trapiko.
Inlawlawag ni Bonoan a daytoy ti sumaruno nga adalen da ken iti sumarsaruno nga aldaw ket maiparit ton ti ag-U-turn kadagiti paggasolinaan tapno agtultuloy a nalukay ti trapiko.
Mainaig iti daytoy, namnamaen ni Bonoan a kalpasan ti makalawas ket masurutan met laeng dagiti motorista ti No Left Turn Policy ditoy ciudad.
