LAOAG CITY – Inpasingked ti Department of Budget and Management (DBM) a maipatungpal ita a tawen ti umuna a tranche ti salary increase para kadagiti government workers.
Inbatad ni Department of Budget and Management Secretary Amenah “Mina” Pangandaman a nairakurak daytoy iti naisayangkat a briefing ti Development Budget Coordination Committee (DBCC) para iti House Committee on Appropriations, iti pormal a panangrugi ti deliberasion ti House of Representatives iti proposed P6.352 trillion National Budget para inton 2025.
Naammoan a karaman iti miembro ti economic team ni President Ferdinand R. Marcos Jr., inprisentar ti sekretario ti key dimensions ken highlights ti proposed National Budget para inton sumaruno a tawen.
