LAOAG CITY – Nagkakadua iti ruar ti Department of Education (DepEd) Central Office idiay Pasig ti maysa nga aktibista a grupo ti agtutubo kagiddan ti umuna nga aldaw ti panagtugaw iti puesto ni Sonny Angara kas sekretario ti Department of Education.
Nangiwayat ti picket protest dagiti miembro ti Samahan ng Progresibong Kabataan (SPARK) tapno agpanawagan ken ni Angara a saanna nga awaten ti pannakaipatungpal ti “neoliberal measures” iti sistema ti edukasion iti Pilipinas.
Basar iti grupo, karaman ditoy ti gangganaet a kukua ti higher education institutions iti gakat a Marcos Charter Change iti panagsango ti State of the Nation Address (SONA) inton Hulio 22.
Inbatad ti grupo a ni Angara, maysa a kangrunaan a kaalyado ti administrasion Marcos, ket supsuportaranna ti neoliberal” a dagiti reporma iti sistema ti edukasion ken pinapigsa ti posision dagiti agtagikua ti pribado nga edukasion iti pagilian iti panagserbirna kas Senador.
Imbes nga ipatungpal dagiti addang a “neoliberal,” inpetteng ti grupo ti kasapulan a mangiyestablisar ti libre, ma-access, de-kalidad ken natalged nga edukasion iti intero a lubong nga agturong iti kumpleto ken holistic a panagdur-as dagiti agad-adal.
Kabayatanna, nagkedked ti grupo ti agdama a gakat para iti panagbalbaliw ti Charter ni Marcos.
