LAOAG CITY – Ballaigi a naiwayat ti umuna nga aldaw ti Little League Philippines 2024 iti Ferdinand Edralin Marcos Stadium.
Daytoy ti inpakaammo ni Mr. Gene Reginaldo, Sports Coordinator ti Departmet of Education ditoy probinsya.
Inatendaran daytoy ni Gov. Mathhew Marcos Manotoc a nagserbi kas kangrunaan a sangaili, ken ti imatang pay da Mr. Michael Zialcita District Administrator ti Little League Philippines, Mrs. Helen Domingo – Provincial Sports Officer III, Atty. Donato Balderas – Schools Devision Superintendent, medical groups nga idadaulwan ni Dr. Corpuz ken ti grupo ti Provincial Government.
Bayat ti panagtultuloy pay laeng ti nabara a laban , ket napaasatan ti grupo ti Zambales iti umuna alaban ti soft ball a kinalaban da ti grupo ti Kawayan.
Nangabak met ti grupo ti Ilocos Norte kontra Benito Sulliben iti iskor a 4-3.
Kunana a dakkel manen ti tsansa ti grupo ti Ilocos Norte nga isuda ti ag-overall champion ita a tawen, gapu ta na-train da a nasayaat.
Kabyatanna, naragsakan met dagiti players ken coaches gapu ta daytoy ti umuna a gundaway a naiwayat ti Philippine series iti napintas a lugar no sadinno a saanen a masapol pay a maiwaras-waras wenno agsisina ti pakaiyuswatan dagiti ay-ayam.
