LAOAG CITY – Naannayas ken natalged ti umuna nga aldaw a pannakaipatungapl ti Modified Enhanced Community Quarantine (MECQ) ditoy siudad ti Laoag kangrunaan kadagiti naiyestablisar a border checkpoint.
Segun ken ni PCapt. Eddie Suyat, hepe ti PNP Paoay, ibilang na a natalged ti sitwasyon iti border checkpoint ti Laoa ken Suba-Paoay Road kabayatan ti umuna nga aldaw ti MECQ.
Kuna na a kaadwaan a dimmalan iti checkpoint ket kumpleto dagiti dokumento a naipakita da isut gapu na nga awan ti nagbalin a problema.
Mainaig iti daytoy, inpakaamo na a katulungan da ti Anti Crime and Community Emergency Response Team (ACCERT) para iti pannakamonitor ti border checkpoint agingga nga agngudo ti MECQ ditoy siudad.
Inpasigurado na a sidadaan ti PNP-Paoay a tumulong iti siudad tapno agtultuloy a malappedan ti panagwaras ti virus.
Kabayatanna, inpakamao ni PLt. Col. Rafael Lero, ti PNP chief ditoy siudad ti Laoag a naideploy ti kaauduan kadagiti kapulisan ditoy siudad kadagiti checkpoints a naiyestablisar iti kada barangay ken border checkpoints.
Adda met dagiti kameng ti pulis a nakadeploy iti border checkpoint iti ili ti Sarrat tapno naan-anay a mamonitor ti sitwasyon ken malappedan ti panagserrek dagiti aggap iti sabali nga ili nga awan ti nasisita a panggep na ditoy siudad.
