LAOAG CITY – Natalinaay ti umuna nga aldaw a panagbisita dagiti residente iti kampo santo iti ili ti Currimao.
Daytoy ti inpakaammo ni Police Lt. Medel Perinio, hepe ti PNP Currimao kalpasan a nangrugi ti panagbisita idi Oktubre 9 agpatingga iti Oktubre 28.
Inlawlawag na a maysa a barangay iti kada aldaw ti mapan laeng bumisita iti kampo santo tapno manentener ti social distancing.
Innayon ni Perinio nga adda ti naiyestablisar a pagserkan ken pagruwaran iti kampo santo.
Katulungan da dagiti opisyal ti barangay a mangkita ti linak urnos ken talna bayat ti panagbisita dagiti residente.
Adda pay ti napagnunumuan iti panagbisita ti kampo santo intono Nobyembre 5 agpatingga intono Nobyembre 14.
