LAOAG CITY – Natalna ken naurnos ti sistema ti umuna nga aldaw a panagbakuna kontra covid-19 kadagiti agtawen ti 12 agingga iti 17 ditoy siudad ti Laoag.
Daytoy ti inpakaammo ni Dr. Charito Malicad ti city information officer ditoy siudad ti Laoag.
Segun ken ni Malicad, 200 a menor de edad dagiti target a nabakunaan iti daytoy nga aldaw.
Inbatad na nga iti bilang dagiti immunan a nailista a mabakunaan ket umabot it 11,000 ken manamnama a manayunan pay.
Mainaig iti daytoy, inpakaammo ni Malicad nga ita a lawas ket agingga intuno biernes ti panagbakuna ken iti sumaruno a lawas ket agbalin ton nga inaldaw.
Innayun na a ti bakuna dagiti menor de edad ket ti pfizer vaccine.
Ti vaccine roll out kadagiti agtawen ti 12-17 ditoy siudad ket maiyus-uswat iti Laoag City General Hospital.
