LAOAG CITY – Nakapungtot ni United Nations chief António Guterres, iti ngumatngato a bilang dagiti matmatay a sibilyan gapu iti agtultuloy a military operations ti Israel iti northern Gaza.
Gapu iti daytoy, ginutigot na ti tunggal pagilyan nangruna ti Israel a sumurot ken bigbigen ti international humanitarian law.
Kunana nga importante nga irespeto ken protektaran dagiti amin a sibilyan aniaman nga oras ken aniaman a sitwasyon.
Maipalagip nga immunan nga inbatad ni Israeli Prime Minister Benjamin Netanyahu nga awan ti ibati da kadagiti nga Hezbollah ken Hamas nga aglemlemeng idiay Gaza ken Lebanon.
Kabayatanna, nagpannawagan met ni South African President Cyril Ramaphosa kadagiti lider iti nagduduma a pagilyan nga i-pressure ti Israel tapno isardengdan ti panagatake iti Gaza ken Lebanon.
