LAOAG CITY – Inakusaran ti United Nations ti Israel a ranrantaenna ti mapaspasamak a panagbisin iti Gaza a nagresulta iti pannakatay dagiti sumagmamano nga ubbing.
Malaksid iti daytoy, inbatad ti United Nations Office of the High Commissioner for Human Rights (OHCHR) a naruayen a residente ti ingkapilitan a pinatalaw pinalayas ken napukawan ti pagtaengan gapu iti pinaigetan a military operations ti Israel.
Kabayatan nga agibakbakwit dagiti residente ket saan met nga agsarsardeng ti Israel iti panangraut iti Gaza.
Kabayatanna, naminsan manen a nagpanawagan iti Israel a nasken a siguradoen ti kinatalged dagiti sibilian nga adda iti Gaza.
