LAOAG CITY – Insardeng ti United Nations ti panangipaay ti makan iti abagatan a paset ti Gaza City a Rafah kalpasan a naibus ti suplay ken saan a natalged a security situation iti lugar gapu ta lumawlawa ti military operation ti Israel.
Basar iti United Nations World Food Program, maib-ibusandan ti ipapaayda a makan para kadagiti Palestino a maip-ipit iti rinnupak nga adda iti central Gaza no sadino rinibu a tattao ti agnanaed iti agdama.
Mainaig iti daytoy, nagballaag ti United Nations a mabalin nga ag-collapse ti humanitarian operations iti nasao a teritorio.
Inaramid ti United Nations ti nadakamat a ballaag iti baet ti pangta ti panagkiddaw ti arrest warrant ti top war crimes court iti intero a lubong nga International Criminal Court a target ti Israel ken Hamas leaders.
Basar iti United Nations, adda ti 1.1 milyon a tattao iti Gaza, agarup kagudua ti populasion ti makapaspasar ti panagbisin.
