LAOAG CITY – Nangipeksa ti panagdanag ni United Nations Secretary-General Antonio Guterres iti inwayat a panangatake ti Estados Unidos iti Venezuela.
Inbatadna a ti pagannurotan iti international law ket saan a narespetar.
Inlawlawagna nga isu nga adda ti international law tapno suroten daytoy ken mapagtalinaed ti international peace ken security.
Nakaro pay ti panagdanagna a maaddaan ti negatibo nga epekto iti pagilian a Venezuela ti pannakaarestar iti Presidenteda a ni Nicolas Maduro.
Mamati daytoy a mabalin pay a maliklikan ti panagrubrub ti nalawa a riribuk basta maaddaan ti nasayaat a panagsinnarita ti dua a pagilian.
