LAOAG CITY – Inaprobaran ti United Nations Security Council ti proposal ti United States para iti permanente a ceasefire idiay Gaza.
Ti nasao a resolusion ket kalpasan a pimmabor dagiti 14 a miembro ti United Nations Security Council ken awan ti kimmontra idinto a nag-abstain ti Russia.
Nakailanad pay iti nasao a resolusion ti panakawayawaya dagiti hostages iti Gaza.
Maipalagip a ti resulosion ni United States President Joe Biden ket immuna a kinanunungan ti Israel no sadino a nagpanawaganda met a masapol nga akseptaren ti Hamas daytoy.
Immuna iti daytoy, nagturong idiay Israel ni United States Secretary of State Antony Blinken tapno siguradoen ken ni Israeli Prime Minister Benjamin Netanyahu a nakasuporta ti Estados Unidos ken dagiti dadduma a pagilian iti laban kontra iti Hamas.
