LAOAG CITY – Mangisayangkat ti panagtataripnong ti United Nations Security Council iti napasamak a panangraut ti Israel iti al-Tabin shelter idiay Gaza City.
Ti nasao a panangraut idi Agosto 10 ket nakatayan ti 100 a Palestino a kaadduan kadagitoy ket dagiti nagtarus laeng iti pagadalan kalpasan a naawananda ti pagtaengan gapu iti rinnupak.
Gagem ti panagtataripnong a talantanen ti aniaman a posible nga addang nga aramiden dagiti pagilian a tumaktakder a mediators a pakairamanan ti United States, Egypt ken Qatar tapno ad-adda a mailungalong ti ceasefire.
Immunan a kinondenar ti United Nations ti panangraut daytoy ti Israel kadagiti pagadalan a temporario a maus-usar a pagtarusan dagiti Palestino a napukawan ti balay.
