LAOAG CITY – Nadiskubre ti maysa nga underground tunnel iti inyuswat a raid dagiti kameng ti PNP iti Pampanga ken local officials iti maibagbaga nga exclusive resort a maipagarop nga inusar ti Chinese bosses a mangimatmaton kadagiti operasyon ti POGO iti Bamban, Tarlac ken Porac, Pampanga.
Daytoy ket basar ken ni Pampanga police provincial director Police Col. Jay Dimaandal.
Inbatad na a ti nasao a compound ket masarakan iti Barangay Siñura, Porac Pampanga a nakurkurang ng 5 a kilometro ti kaadayo na manipod kadagiti opisina ti na-raid a POGO hub ti Lucky South 99 Outsourcing Inc.
Iti napalabas a bolan. Iti post ni Pampanga Governor Dennis Pineda, inbatad na a napagkakamang ti tunnel iti mansion ken balay iti tengnga ti karayan. Iti video, makita ti panagsukimat dagiti otoridad iti underground hallway nga adda ti nakahilera nga empty shelves agturong kadagiti opisina ken bedroom.
Iti maysa a bedroom ket addaan daytoy ti glass sliding doors a madalanan agturong iti maysa a bassit a lagoon.
Kuna pay ni Dimaantal nga adda pay ti nadiskubre da a maipagarop a firing range. Innayon na nga iti nasao a leisure hub iti Barangay Siñura ti pagaw awidan dagiti opisyal ti na-raid a POGO iti Porac.
Inpalgak na pay a nadiskubre da ti subject ti search warrant kas ti maipagarop nga hazing paraphernalia, handcuffs, baseball bat ken “incriminating” documents. Inkustodyar met dagiti otoridad dagiti agnanaed iti compound ken ti 2 a naestablisar nga incorporators ti Whrilwind Corp., ti kompanya nga agpapaupa ti property iti Lucky South 99 iti Barangay Sta. Cruz, Porac, Pampanga.
