LAOAG CITY – Kinumpirmaran ti maysa a Pilipino nga overseas worker a nangrugin nga agawid ditoy Pilipinas dagiti undocumented OFWs a naggapu idiay pagiilan a Kuwait.
Segun kenni Teody Dulay Romosod, agtrab-trabaho kas caregive idiay Kuwait, tubo ti Laoag City, aglugan dagiti takas wenno undocumented ofw iti gulf airlines wenno philippine airlines iti nasao a pagilian.
Kuna na a pabor nga addaan ti amnesty ti Kuwait tapno makaawid dagiti ofw sumagsango ti kaso wenno dagiti naabuso.
Inbatad ni Romosod a nasken a maiyalud-od ti amnesty gapu ta nakaad-adu dagiti naapektaran nga ofws.
Mainaig iti daytoy, naragsakan ni Romosod iti direktiba ni Presidente Rodrigo Duterte a pannakaituloy ti deployment ban nga agturong idiay Kuwait.
Kuna na a nasken laeng nga ipatungpal na ti deployment ban tapno adda ti gunguna dagiti managgundaway a Kuwaitis.
Innayon ni Romosod a mgimmaton ti purwa dagiti kuwaitis gapu ta bimmaknang dan.
