Bimmaba ti unemployment rate idi Marso ti agdama a tawen iti 3.9% no idilig iti isu met laeng a bulan idi 2023.
Segun kenni Department of Labor and Employment (DOLE) Secretary Bienvenido Laguesma, 4.7% ti unemployment rate idi Marso itay napan a tawen basar iti Labor Force Survey.
Ngem kinuna ti sekretario a nababbaba bassit daytoy no idilig iti 3.5% nga unemployed rate idi Pebrero ti 2024.
Inreport ni Sec. Laguesma a maragsakanda iti agtultuloy a panagadu ti bilang dagiti Pilipino nga addaan iti trabaho.
Kinunana a pammaneknek daytoy a pumigpigsa ti ekonomia ti pagilian no idilig iti Marso idi napan a tawen.
Kabayatanna, mapnek met ti sekretario iti panagngato ti employment rate iti laksid ti El Nino phenomenon a nangapektar iti panagbiag iti sektor ti agrikultura ken fisheries.
