LAOAG CITY – Inrakurak ti Department of Education a maitultuloy latta nga isuot dagiti personnel-da dagiti naikeddeng nga uniporme.
Daytoy ket maibasar iti babaen ti pagannuotan idinto a dagiti baro a nabukel a committee ket manarimaan ti pannakaiyurnos ti dress code requirements para kadagiti empleado ti gobierno.
Basar iti Department of Education a ti agdama nga uniform policy a nakailanad iti 2022 memorandum ti human resource office-da ket agtalinaed gapu ta naipalaon iti pammilin ti Civil Service Commission (CSC) dress code policies.
Iti agdama, adda ti uppat a klase ti uniporme ti isusuot dagiti mangisursuro iti uneg ti maysa a lawas idinto ti aldaw ti Biernes ket maibilang a non-uniform day.
Naammoan a dagiti non-teaching personnel ket sursurotenda dagiti dua a klase ti uniporme.
Kabayatanna, ti panangbukel ti uniform committee ti Department of Education ket naipalaon iti Memorandum 004-2025 ti Department of Education no sadinno dagiti sumagmamano a mangisursuro ket agbalbalin a praktikal iti panagisuot ti dress code nangruna iti kinabara ti klasrum ken ti panaggaraw dagiti mangisursuro iti panangisuroda.
