LAOAG CITY – Manamnama nga epektibo ti pannakaiplastar dagiti kagamitan aglalo kadagiti ospital kalpasan ti naisayangkat a seminar babaen ti United Architects of the Philippines iti auditorium ti kapitolio probinsial para kadagiti architect ken inhinyero ditoy probinsia.
Segun kenni Gov. Cecilia Araneta Marcos, dakkel a tulong daytoy para iti Ilocos Norte nangnangruna ket manarimaan ti pannakapasayaat dagiti pasilidad kadagiti nagduduma nga ospital ditoy probinsia.
Inbatad na a babaen iti inpaay dagiti maseknan a tulong iti probinsia ket ad-adda pay a mapasayaat ti serbisio a maipapaay kadagiti umili.
Mangnamnama ti gobernador a saan a daytoy ti maudi a panagturong ti nasao a grupo ditoy probinsia tapno mangilawlawag kadagiti baro a teknolohia kadagiti architect ken inhinyero ditoy probinsia.
Kuna ti gobernador a dakkel a banag para kenkuana ken iti sibubukel a gobierno probinsyal ti panangipaay dagitoy ti panawen da iti pannakaisayangkat ti nasao nga aktibidad.
